Human Drama သည် လူမှုတိုးတက်ရေးစီမံချက်အတွက် အနုပညာဖြစ်ပြီး ၄င်းသည် မြန်မာလူ့အဖွဲ့ အစည်းများကို လူမှုရေးဆိုင်ရာ ပြဿနာများကို စိန်ခေါ်နိုင်သော လုပ်ပိုင်ခွင့်ရရှိစေရန် စကားအခြေအတင် ပြော၍ ရနိုင်သော ပြဇာတ်ကို နည်းလမ်းတစ်ခုအဖြစ် အကျိုးရှိရှိ အသုံးချရန် ရည်ရွယ်ပါသည်။ ၄င်းသည် ဗြိတိသျှကောင်စီ နှင့် Francois-Xavier Bagnoud (FXB) တို့က စီစဉ်ထားသော လူမှုတိုးတက်ရေးစီမံချက်၏ ပထမဦးဆုံးသော ပူးတွဲအနုပညာဖြစ်ပါသည်။

၎င်း၏ ရည်ရွယ်ချက်မှာ မျိုးပွားမှုဆိုင်ရာ ကျန်းမာရေး၊ HIV/AIDS ၊ လူကုန်ကူးခြင်း၊ ယောက်ျား-မိန်းမ ညီမျှမှုနှင့် လူငယ်များကြား အကြမ်းဖက်မှု အစရှိသည့် ကျန်းမာရေးနှင့် လူမှုရေးပြဿနာများနှင့် သက်ဆိုင် သော အသိနှင့် အပြုအမူပြောင်းလဲမှုများကို မြှင့်တင်ပေးရန် ဖြစ်ပါသည်။

ဤပြဿနာများကို ဆွေးနွေးရာတွင် မြန်မာ့ယဉ်ကျေးမှု၊ လူမှုရေးသဘောထားများနှင့် ဘာသာရေး အလေ့အကျင့်တို့ကြောင့် အခက်အခဲရှိပါသည်။ အသိပညာနှင့် ပွင့်ပွင့်လင်းလင်းဆွေးနွေးရန်အခွင့်အရေးတို့ မရှိခြင်း ကြောင့် မိသားစုတွင် ကြီးမားသော လူမှုရေးနှင့် ငွေကြေးပြဿနာများရှိနေပါသည်။ ဥပမာ - စောစီးစွာ အိမ်ထောင်ပြုခြင်း၊ သန္ဓေတားဆေးမရှိခြင်း (သို့) နို့စို့အရွယ်ကလေးများ၏ သေဆုံးနှုန်းမြင့်မားခြင်း တို့ဖြစ်ပါသည်။

ဖျော်ဖြေရင်း ပညာပေး၊ ပညာပေးရင်း ဖျော်ဖြေသည့် နည်းလမ်း (Theatre as a Tool for Communication)

မြန်မာနိုင်ငံတွင် သတင်းအချက်အလက်များကို များသောအားဖြင့် လက်ကမ်းစာစောင်များနှင့် ကျန်းမာ ရေး မှာကြားချက်များက တဆင့်ပေးလေ့ရှိပါသည်။ သို့ရာတွင် ၀မ်းနည်းစရာကောင်းတာကတော့ ထိုသတင်း အချက်အလက်များသည် စာမတတ်သည့်အပြင် ရေဒီယိုနှင့် TV များ မရှိကြသော လူအများစုထံသို့ မရောက် ခြင်းပင်ဖြစ်သည်။

ပြဇာတ်တင်ဆက်မှုကို အားကောင်းသော ဆက်သွယ်ရေးကိရိယာအဖြစ် အသုံးပြုသော ဤပညာပေး ဖျော်ဖြေရေးအစီအစဉ်သည် ပွဲကြည့်ပရိသတ်ကို ပါဝင်ပတ်သက်စေသော ဖွံ့ဖြိုးတိုးတက်မှုအတွက် ပြဇာတ်ဆိုင် ရာ နည်းပညာများပေါ်တွင် အခြေခံထားပါသည်။

ဤစီမံချက်၏ သက်တမ်းသည် ယခုဆိုလျှင် (၃)နှစ်ထဲရောက်နေပါပြီ။ လူငယ်ဖျော်ဖြေရေးသမား (၁၆)ဦးနှင့် စီမံချက်ကြီးကြပ်သူ (၂)ဦးပါရှိသော ထိုပြဇာတ်အဖွဲ့သည် ရန်ကုန်တိုင်းဒေသကြီး၊ မွန်နှင့် ကရင်ပြည်နယ်များရှိ ရပ်ရွာလူထုပေါင်း အယောက် ၂၀,၀၀၀ ထံ အရောက် ဖျော်ဖြေမှုပေါင်း ၂၀၀ ခန့်ကို တင်ဆက်နိုင်ခဲ့ပါသည်။

ပညာပေးဖျော်ဖြေမှုနည်းပညာများ

ပွဲကြည့်ပရိသတ်၏ ပါဝင်ပတ်သက်မှု အများဆုံးရရှိရန် ဖျော်ဖြေရေးသမားများသည် ရည်ရွယ်ထား သော ရပ်ရွာလူထုက ရင်ဆိုင်ကြုံတွေ့နေရသော လူမှုရေးပြဿနာများကို သရုပ်ဖော်ပေးသည့် တကယ့်အဖြစ် အပျက်ဇာတ်လမ်းများကို တင်ဆက်ပြသကြပါသည်။

ပြဇာတ်တစ်ပုဒ်ပြီးဆုံးတိုင်း လူငယ်၊ လူကြီး(၂)မျိုးလုံးပါရှိသော ပရိသတ်ကို သူတို့၏ တကယ့်ဘ၀ အခြေအနေများနှင့်ပတ်သက်သော သဘောထားများကို ထုတ်ဖော်ရန်နှင့် ပြဇာတ်ကို ပြန်လည်သုံးသပ်ရင်း ဖြစ်နိုင်ချေရှိသော အကောင်းဆုံးသော ဖြေရှင်းနည်းကို ရွေးထုတ်နိုင်ရန် အားပေးပါသည်။ ထိုသို့ ပြုလုပ်ခြင်းဖြင့် ပြဿနာများကို ရင်ဆိုင်ရန်ဖြစ်နိုင်သမျှသော နည်းလမ်းများကို ဆွေးနွေးနိုင်ပါသည်။

ဤပညာပေးဖျော်ဖြေမှုနည်းပညာသည် လွန်စွာမှ ထိရောက်သော ပညာပေးနည်းလမ်းဖြစ်ပါသည်။ အဘယ်ကြောင့်ဆိုသော် ၄င်းသည် လိင်နှင့် အသက်တို့ကို ရောနှောထားသည့် ပရိသတ်အား ဖျော်ဖြေမှုကို ခံစားစေသည့်အပြင် ဆွေးနွေးမှုများ၌ ပါဝင်စေခြင်း၊ အသိပညာမျှဝေပေးစေခြင်းနှင့် အပြုသဘောဆောင်သော နည်းဖြင့် အယူအဆများကို ရင်ဆိုင်စေခြင်းတို့ကြောင့် ဖြစ်ပါသည်။

ရလာဒ်များ

အကဲဖြတ်မှုရလဒ်တို့ကတော့ ပေးလိုသော အမှာစကားကို ထိန်းသိမ်းထားပြီး ရပ်ရွာအတွင်း ပြန်လည် အသုံးပြုနိုင်လောက်အောင် ပရိသတ်အပေါ် သိသာထင်ရှားသည့် အကျိုးသက်ရောက်မှုဖြစ်စေခြင်းပဲ ဖြစ်ပါ သည်။

ဤစီမံချက်သည် ကျန်းမာရေးနှင့် လူမှုရေးပြဿနာများနှင့်ဆိုင်သော အသိပညာကို မြှင့်တင်ပေးရုံသာ မက လူ့အခွင့်အရေးနှင့်ပတ်သက်သော အသိရှိစေခြင်း၊ ရပ်ရွာလူထုကို လူ့ကျင့်ဝတ်နှင့် ဥပဒေသတို့နှင့် ကိုက်ညီသော တန်ဖိုးထားမှုပေါ်တွင် အခြေခံ၍ ဆုံးဖြတ်ချက်များချနိုင်အောင် အခွင့်အလမ်းပေးခြင်းတို့ကိုပါ ဖြစ်စေပါသည်။

အတွေ့အကြုံ

အပြန်အလှန်ပြောဆိုနိုင်သော ပြဇာတ်ကျွမ်းကျင်မှုသင်တန်းများကိုတော့ Pan Intercultural Arts (London) မှ အနုပညာဒါရိုက်တာ John Martin က တာဝန်ယူဆောင်ရွက်ပါသည်။ ၂၀၀၈ ခုနှစ် နာဂစ်မုန်တိုင်း ကြောင့် ကိုယ်ရောစိတ်ပါ ဒဏ်ရာရခဲ့သော ဒုက္ခသည်များကို စိတ်နှင့်လူမှုရေးဆိုင်ရာအားပေးမှုနှင့် ဆွေးနွေး လမ်းညွှန်မှုပေးခဲ့သည့် ဒေသခံ NGOs များနှင့် နိုင်ငံတကာ INGOs များမှ ၀န်ထမ်းများကို လေ့ကျင့်မှု အစီအစဉ်များပြုလုပ်ပေးခဲ့ခြင်းဖြင့် John သည် မြန်မာနိုင်ငံ၏ ဒေသဆိုင်ရာအသိပညာနှင့် ပစ်မှတ်အဖွဲ့အစည်း များနှင့် ပတ်သက်၍ ကျယ်ကျယ်ပြန့်ပြန့် သိထားပါသည်။

ဖျော်ဖြေသူများသည် အမျိုးမျိုးသော လူငယ်နှင့်လူမှုရေးအစီအစဉ်များမှတဆင့် ချို့တဲ့နွမ်းပါးသော ရပ်ရွာလူထုနှင့်အတူတကွ အလုပ်လုပ်ရသည့် အတွေ့အကြုံကို ရရှိပြီးသားဖြစ်ပါသည်။ ထို့အပြင် ၄င်းတို့သည် World vision, MTV EXIT နှင့် UNIAP တို့၏ အထောက်အပံ့ဖြင့် လူသားကုန်ကူးမှု ဆန့်ကျင်ရေးလှုပ်ရှားမှုများ ကို ဆောင်ရွက်နေသော NGOs များမှာ လူငယ် လူမှုရေးလှုပ်ရှားပြောင်းလဲရေးဝါဒီများအတွက် TOT သင်တန်းများကိုလည်း ပြုလုပ်ပေးပါသည်။

မိတ်ဖက်အဖွဲ့အစည်းများ

ကျွန်ုပ်တို့၏ ငွေကြေးထောက်ပံ့မှု မိတ်ဖက်အဖွဲ့အစည်းများမှာ Pyoe Pin နှင့် Swiss Agency for Development and Coorperations, Embassy of Switzerland တို့ပဲ ဖြစ်ပါသည်။

အစိုးရ၀န်ကြီးဌာနများဖြစ်ကြသော ပြည်ထဲရေးဝန်ကြီးဌာန၊ လူမှုဖူလုံရေးဌာန၊ ကျန်းမာရေးဌာနနှင့် World Vision, Save the Children, Myanmar Medical Council, Japan International Coorperation Agency (JICA), the International Labour Organization နှင့် National League for Democracy (NLD) - အစရှိသော ပြည်တွင်းပြည်ပ NGOs များက တက်ကြွစွာ ပါဝင်ဆောင်ရွက်ခြင်းနှင့် ကျွန်ုပ်တို့ ကွန်ယက်များ တိုးချဲ့နိုင်အောင် အဆက်အသွယ်များရှာပေးခြင်းအားဖြင့် ဤစီမံချက်ကို အထောက်အကူပြုခဲ့ပါသည်။

ဗြိတိသျှကောင်စီ နှင့် မိတ်ဖက်အဖွဲ့အစည်းများက အနုပညာသည် ဖိစီးမှုဒဏ်ကို ပေးလျက်ရှိသော လူ့အဖွဲ့အစည်း၏ ပြဿနာအမျိုးမျိုးကို အပြုသဘောဆောင်သော လူမှုရေးပြောင်းလဲမှုဖြစ်ပေါ်စေရေးကို အထောက်အကူပြုမည့် ထိရောက်သော လက်နက်ဖြစ်သည်ဟု ယုံကြည်ကြပါသည်။ ကျွန်ုပ်တို့အနေဖြင့် အနုပညာနှင့် တိုးတက်မှုအတွက် နောက်ထပ်ပူးပေါင်းဆောင်ရွက်မှုများကို လေ့လာထုတ်ဖော်ပြီး တိုးတက် စေရန် ဆုံးဖြတ်ပြီးဖြစ်ပါသည်။

See also

External links