နိုင်ငံတကာ ပူးပေါင်းဆောင်ရွက်ရေး ထောက်ပံ့ကြေးများကို ယခု လျှောက်ထားနိုင်ပါပြီ။ ဤ £1 သန်း ထောက်ပံ့ကြေးပရိုဂရမ်သည် ယူကေရှိ အနုပညာကဏ္ဍများနှင့် ကမ္ဘာတစ်ဝန်းရှိ ၎င်းတို့နှင့် အလားတူ အနုပညာအသိုင်းအဝိုင်းများကြား၌ ယဉ်ကျေးမှုပိုင်းဆိုင်ရာ ပူးပေါင်းဆောင်ရွက်မှုအသစ်များ ဖန်တီးခြင်းကို ပံ့ပိုးကူညီပေးပါသည်။
ကျွန်ုပ်တို့၏ နိုင်ငံတကာ ပူးပေါင်းဆောင်ရွက်ရေး ထောက်ပံ့ကြေးများ အစီအစဉ်သည် အဖွဲ့အစည်းများနှင့် အနုပညာရှင်များအား ဆန်းသစ်ဖန်တီးနိုင်စွမ်းရှိသော ပရောဂျက်များကို လုပ်ဆောင်နိုင်စေရန် အကူအညီများပေးပြီး အနုပညာပိုင်းဆိုင်ရာ ပူးပေါင်းဆောင်ရွက်မှုနှင့်စပ်လျဉ်းသော ဆန်းသစ်သည့် နည်းလမ်းအသစ်များကို အထောက်အပံ့ပေးခြင်းဖြင့် နိုင်ငံတကာ ပူးပေါင်းဆောင်ရွက်မှုအသစ်များကို အားပေးပါသည်။
နိုင်ငံတကာ ပူးပေါင်းဆောင်ရွက်ရေး ထောက်ပံ့ကြေးများကို £25,000 နှင့် £75,000 ကြားတွင် ရရှိနိုင်ပါသည်။
လျှောက်လွှာများတွင် ယူကေနှင့် မိတ်ဖက်နိုင်ငံများကြားရှိ စစ်မှန်သော နိုင်ငံတကာ ပူးပေါင်းဆောင်ရွက်မှုနှင့် တစ်ဦးချင်းအနုပညာရှင်များနှင့် နိုင်ငံတကာမိတ်ဖက်များ ရရှိနိုင်မည့် အကျိုးကျေးဇူးအပြည့်အစုံ ဖော်ပြပါရှိရပါမည်။ ပရောဂျက်များတွင် မည်သည့်အကြောင်းအရာကိုမဆို ခေါင်းစဉ်တပ်နိုင်ပြီး ကျွန်ုပ်တို့သည် လျှောက်ထားသူများအား ၎င်းတို့၏ပရောဂျက်ကို လုပ်ဆောင်ရာ၌ မတူကွဲပြားမှု၊ အားလုံးတန်းတူပါဝင်မှုနှင့် သဘာဝပတ်ဝန်းကျင် ရေရှည်တည်တံ့ အကျိုးပြုမှုတို့အပေါ် ၎င်းတို့၏ချဉ်းကပ်ပုံကို မျှဝေပြောပြပေးရန် တောင်းဆိုပါသည်။
အရေးကြီးသော ရက်စွဲများ
လျှောက်လွှာများ လက်ခံချိန်- 2024 ခုနှစ်၊ ဇန်နဝါရီလ 31 ရက်
အချက်အလက်များ ဆွေးနွေးမျှဝေပွဲ- ဖေဖော်ဝါရီ 13 ရက်နှင့် 14 ရက်
လျှောက်လွှာများ ပိတ်ချိန်- 2024 ခုနှစ်၊ ဧပြီလ 30 ရက်
လျှောက်လွှာဆိုင်ရာ ပံ့ပိုးကူညီမှု
ဤအစီအစဉ်နှင့်ပတ်သက်သော ဆက်စပ်စဉ်းစားရမည့် အကြောင်းအရာအပါအဝင် အကြံပြုချက်များနှင့် နောက်ထပ် အသေးစိတ်အချက်အလက်များပါရှိသည့် လျှောက်လွှာ ကိရိယာအစုံ အပါအဝင် လျှောက်ထားရာ၌ သင့်အတွက် အထောက်အကူဖြစ်စေမည့် ရင်းမြစ်အများအပြားကို ကျွန်ုပ်တို့ လုပ်ဆောင်ထားရှိပါသည်။
ကျွန်ုပ်တို့သည် အမေးများသော မေးခွန်းများအတွက် အဖြေများနှင့် သင့်အတွက် အသုံးဝင်မည်ဟု မျှော်လင့်သော တုံ့ပြန်အကြံပြုချက် ဗီဒီယိုတစ်ခုလည်း ပံ့ပိုးပေးထားပါသည်။