ဗြိတိသျှကောင်စီသည် ယူကေနှင့် ကမ္ဘာတစ်ဝှမ်းရှိ နိုင်ငံများအကြား ချိတ်ဆက်မှု၊ နားလည်မှုနှင့် ယုံကြည်မှု တည်ဆောက်ခြင်းဖြင့် ငြိမ်းချမ်းရေးနှင့် သာယာဝပြောရေးကို ပံ့ပိုးကူညီပါသည်။
ကျွန်ုပ်တို့သည် ယူကေ၏ အနုပညာနှင့် ယဉ်ကျေးမှု၊ ပညာရေးနှင့် အင်္ဂလိပ်ဘာသာစကားနယ်ပယ်များတွင် နက်ရှိုင်းစွာ ကျွမ်းကျင်မှု၊ ကမ္ဘာတဝှမ်းနိုင်ငံပေါင်း ၁၀၀ ကျော်၌တည်ရှိမှုနှင့် ဆက်ဆံရေးများ၊ လူငယ်များနှင့် သြဇာလွှမ်းမိုးနိုင်သူများထံ တီထွင်ဖန်တီးဆန်းသစ်နိုင်မှုနှင့် ပြိုင်ဘက်ကင်းသောအခွင့်အလမ်းများကို ထူးခြားစွာပေါင်းစပ်ထားပါသည်။
ယူကေနှင့် ပူးပေါင်း၍ တစ်ဦးတစ်ယောက်ချင်းစီနှင့် တိုက်ရိုက်လုပ်ကိုင်ကာ ၄င်းတို့၏ဘဝများကို တိုးတက်ကောင်းမွန်အောင် ပြောင်းလဲပေးနိုင်ရန်နှင့် ၄င်းတို့၏ ကျွမ်းကျင်မှု၊ ယုံကြည်မှုနှင့် ချိတ်ဆက်မှုများရရှိစေရန် ကူညီရင်း ပိုမိုကောင်းမွန်သောကမ္ဘာကို ပုံဖော်ပါသည်။ တစ်ဦးနှင့်တစ်ဦးချိတ်ဆက်ပေးသောကွန်ရက်များတည်ဆောက်ရန်နှင့် တီထွင်ဆန်းသစ်သော စိတ်ကူးစိတ်သန်းများကို ရှာဖွေရန်၊ အင်္ဂလိပ်ဘာသာစကားကို လေ့လာရန်၊ အရည်အသွေးမြင့်ပညာရေးကို ရရှိရန်နှင့် နိုင်ငံတကာအသိအမှတ်ပြု အရည်အချင်းများရရှိရန်အတွက်လည်း ၎င်းတို့အား ပံ့ပိုးပေးပါသည်။
ကျွန်ုပ်တို့သည် မြန်မာနိုင်ငံတွင် ၁၉၄၆ ခုနှစ်မှစတင်၍ အလုပ်လုပ်ကိုင်လျက်ရှိပါသည်။ နှစ်စဉ်နှစ်တိုင်း မြန်မာနိုင်ငံရှိ ထောင်ပေါင်းများစွာသော ကျောင်းသားကျောင်းသူများ၊ ပညာသင်ကြားပေးသူများ၊ မူဝါဒချမှတ်သူများ၊ ပညာရှင်များ၊ တီထွင်ဖန်တီးသူများ၊ စွန့်ဦးတီထွင်သူများနှင့် ချိတ်ဆက်ဆောင်ရွက်လျက်ရှိပါသည်။
