အီးမေးလ် တစ်ခုတွင် အင်္ဂလိပ်လို နှုတ်ဆက်နိုင်ပုံ

ယခု ကျွန်ုပ်တို့သည် အီးမေးလ်၊ Whatsapp၊ WeChat၊ ချက်ခြင်းရောက်သော စာတိုများ… ကဲ့သို့ မတူညီသော ဆက်သွယ်ရေး အမျိုးအစားများစွာကို အသုံးပြုကြပြီး၊ ဤမက်ဆေ့ဂျ်များအားလုံးတွင် မှန်ကန်သော အသံနေ အသံထားကို ရေးသားနိုင်ရန် ခက်ခဲနိုင်သည်။ နိုင်ငံခြား ဘာသာစကားနဲ့ ဆက်သွယ်နေလျှင် ပို၍ပင် ခက်ပါတယ်။ ကျွန်ုပ်သည် အင်္ဂလိပ်စာ ဆရာ ဖြစ်တာ နှစ်ပေါင်းများစွာ ရှိပါပြီ။ အင်္ဂလိပ်စာ သင်ယူနေတဲ့ သူတွေဟာ အီးမေးလ်တွေ ရေးတဲ့အခါ တရားဝင်လေသံ အလွန်အမင်း ဖြစ်အောင် လုပ်တတ်ကြတာကို ကျွန်ုပ်တွေ့ပါတယ်။  
 
ဒါမှမဟုတ် မသင့်လျော်တဲ့ အီမိုဂျီများနှင့် LOL များပါသော အီးမေးလ်များကို ကျွန်ုပ်ရရှိပါတယ်။ မကြာသေးမီက ကျောင်းသား တစ်ဦးသည် ကျွန်ုပ်အား ‘a kiss' (အနမ်း) ဖြင့် အဆုံးသတ်ထားသည့် အီးမေးလ် တစ်စောင် ပေးပို့ခဲ့သည်။  ကျွန်တော် ဒီကျောင်းသားကို ကြိုက်ပါတယ်၊ ဒါပေမယ့် 'အနမ်း' ဟာ အိမ်စာနဲ့ ပတ်သက်တဲ့ အီးမေးလ်အတွက် မှန်ကန်တဲ့ နှုတ်ဆက်စကား မဟုတ်ပါဘူး။  ဒီတော့၊ ပြီးပြည့်စုံတဲ့ အီးမေးလ်ကို ရေးဖွဲ့ပြီးတဲ့အခါ၊ မသင့်လျော်တဲ့ အဆုံးသတ်နဲ့ မပျက်စီးသွားအောင် ဘယ်လို သေချာအောင် လုပ်နိုင်မလဲ။ 
 
ဤပို့စ်တွင်၊ အင်္ဂလိပ်ဘာသာဖြင့် မတူညီသော အီးမေးလ်များကို မည်ကဲ့သို့ နှုတ်ဆက်စကား ဆိုနိုင်ပုံကို လေ့လာပါမည်။ အင်္ဂလိပ်စာသင်ယူခြင်းနဲ့ပတ်သက်တဲ့ တခြားမေးခွန်းတွေကို ချက်ချင်း အဖြေလိုချင်တယ်ဆိုရင်၊ လူကြီးတွေအတွက် အင်္ဂလိပ်စာ သင်တန်းမှာ ပါဝင်ဖို့ စဉ်းစားပါ။ အတန်းများကိုလည်း ဤနေရာတွင် ရှာဖွေနိုင်ပါသည်  

သင့်အီးမေးလ် လက်ခံမည့် သူအမျိုးအစားကို သိပါ 

သင်၏ လက်ခံဖတ်ရှုသူကို ထည့်သွင်းစဉ်းစားရန် အရေးကြီးသည်။ အီးမေးလ် ရေးခြင်းသည် လက်တွေ့ လုပ်ဆောင်ရတဲ့ အလုပ်တစ်ခု ဖြစ်ပြီး အထူးသဖြင့် သင်အလုပ်တွင် အီးမေးလ်ရေးနေပါက၊ အမှားပါသွားခြင်း၏ အကျိုးဆက်များသည် ရှက်စရာ ဖြစ်နိုင်ပါသည်။ 

1. မိတ်ဆွေတွေနဲ့ မိသားစုတွေဆီ ပို့သော ပေါ့ပေါ့ပါးပါး အီးမေးလ်တွေတွင် နှုတ်ဆက်နည်း 

သင်သည် သူငယ်ချင်း တစ်ဦးထံ စာရေးနေမည်ဆိုလျှင်၊ ပေါ့ပေါ့ပါးပါးနှင့် ရင်းနှီးသည့်ပုံစံ၊ ချစ်ခင်ကြင်နာမှုပင် ပြနိုင်သည်။ ဒီလို ရင်းနှီးသူများထံသို့ အီးမေးလ်အတွက် ပုံမှန် နှုတ်ဆက်နည်း တချို့ကို အောက်မှာ ဖော်ပြထားပါတယ်-   

See you soon, 
Love, 
Marta   

Speak soon, 
lots of love, 
Jordi xx 

Chat later, 
Marc   

အချို့ဘာသာစကားများတွင် သူငယ်ချင်းတစ်ဦးထံသို့ မေးလ်ပို့ရာတွင် အဆုံးသတ်ကို 'kiss' or an ‘hug’ ('အနမ်း' သို့မဟုတ် 'ပွေ့ဖက်မှု')၊ ဖြင့် နှုတ်ဆက်နိုင်ပြီး အင်္ဂလိပ် ဘာသာသို့ ဘာသာပြန်ဆိုခြင်း မရှိပါ။ အင်္ဂလိပ်လို ရေးသောအခါ၊ သင်သည် ရင်းနှီးသော မိသားစု သို့မဟုတ် သူငယ်ချင်းများကို 'virtual' အနမ်း ('X' သို့မဟုတ် 'XXX') ဖြင့် စာတိုကို အဆုံးသတ်နိုင်သည်။ ဒါပေမဲ့ အလုပ်ရှင် ဒါမှမဟုတ် သင့်လုပ်ဖော်ကိုင်ဖက်တွေကို ဘယ်လောက်ပဲ သဘောကျနေပါစေ၊ အလုပ်အီးမေးလ်ကို အနမ်းများ သို့မဟုတ် XXX တို့နှင့် ဘယ်တော့မှ အဆုံးမသတ်ပါနဲ့။ 

2. လုပ်ဖော်ကိုင်ဖက်တွေ၊ ဆရာတွေ ဒါမှမဟုတ် အတန်းဖော်တွေကို ပိုတဲ့ အီးမေးလ်တွင် အဆုံးသတ်နိုင်ပုံ 

သင့်အီးမေးလ်သည် အင်္ဂလိပ်လို အလုပ် သို့မဟုတ် စာလေ့လာမှုနှင့် ဆက်စပ်နေပါက၊ ဖော်ရွေသော်လည်း၊ တရားဝင် လေသံကို ရွေးချယ်ခြင်းသည် အကောင်းဆုံး ဖြစ်သည်။  သင် ကောင်းကောင်း သိတဲ့သူဆီ စာရေးနေတာ၊ မကြာခဏ အဆက်အသွယ် ရှိတတ်သူ တစ်ယောက်ဆီ စာရေးနေတာကို စိတ်ကူးကြည့်ပါ။  လူအများစုသည် သူတို့၏ နှစ်သက်ရာ အီးမေးလ် နှုတ်ဆက်သည့် ပုံစံများ ရှိသောကြောင့်၊ သင့်အတွက် သက်တောင့်သက်သာ ရှိသော အရာကို သင်ဆုံးဖြတ်နိုင်သည်။ ဤနေရာတွင် သင့်လျော်သော နှုတ်ဆက်ပုံများမှာ အောက်ပါတို့ ဖြစ်သည်-   

Regards, 
Dan   

Best wishes, 
Eva 

Best regards, 
Cho 

Best, 
Javi   

Thanks, 
Pol 

Cheers, 
Miriam   

အလုပ်များလွန်းတဲ့သူတွေ (ဒါမှမဟုတ် စာရိုက်တာကို မကြိုက်တဲ့သူတွေ) တွေဟာ တစ်ခါတလေ သူတို့ နာမည်ရဲ့ ပထမဆုံး စာလုံး (ဥပမာအားဖြင့်၊ Ray အတွက် 'R') ကို ရေးကြတယ်။ ဒီလူကို ကောင်းကောင်း သိထားတယ်ဆိုရင် ကောင်းပါတယ် -- ဒါပေမဲ့ သူတို့ကို ကောင်းကောင်း မသိဘူးဆိုရင်တော့ ထူးဆန်းပုံ ပေါက်ပါလိမ့်မယ်။ ကိုယ်ရေးကိုယ်တာ ရင်းနှီးမှုကို ထပ်ထည့်လိုပါက၊ သင့်အီးမေးလ်ပို့သည့် အချိန်ပေါ် မူတည်၍ 'have a good weekend' သို့မဟုတ် 'have a good week' ကဲ့သို့၊ တစ်ခုခုကို ထည့်နိုင်ပါသည်။ 

3) သင်မသိတဲ့ လူတွေကို ပို့တဲ့ အီးမေးလ်တစ်စောင်ကို ဘယ်လို အဆုံးသတ်မလဲ။ 

အထူးသဖြင့် တစ်ယောက်ယောက်နဲ့ ပထမဆုံးအကြိမ် ဆက်သွယ်ရတာဆိုရင်၊ ဒါကဟာ ပေးပို့ဖို့ အရှုပ်ထွေးဆုံး အီးမေးလ် အမျိုးအစားပါ။ အင်္ဂလိပ် ဘာသာစကားဖြင့် အီးမေးလ်များသည် စာရွက်စာတမ်း ပုံစံလောက် တရားဝင်ပုံစံ မဟုတ်ပေမဲ့ – အီးမေးလ်တွေကို စာတိုတွေနဲ့ မရောထွေးလိုက်ပါနဲ့။ သင့်အီးမေးလ်များတွင် စာကြောင်းအပြည့်အစုံ၊ အင်္ဂလိပ်သဒ္ဒါမှန်ကန်ပြီး ကောင်းမွန်စွာဖွဲ့စည်းထားပြီး ဖတ်ရလွယ်ကူစေရပါမည်။ ထို့အတူ၊ နှုတ်ဆက်ခြင်းသည် မက်ဆေ့ချ်၏ ကျန်အပိုင်းတွေကို ထင်ဟပ်စေသင့်သည်။   

အင်္ဂလိပ်လို အီးမေးလ် တစ်စောင်အတွက် ကြားနေ သို့မဟုတ် တရားဝင် နှုတ်ဆက်နိုင်ရန် အကြံပြုချက် အချို့မှာ-   

Best regards /  Kind regards, / Regards, 
Jon   

Many thanks, 
Alvaro 

ဒါမှမဟုတ် နည်းနည်း ပိုပြီး ရင်းနှီးတဲ့ ပုံစံကို ရွေးလို့ ရပါတယ်၊ 

Best wishes, 
Elena။ 

ယေဘူယျအားဖြင့်တော့ ကျွန်ုပ်တို့သည် အီးမေးလ်တွေမှာ 'Yours sincerely,' သို့မဟုတ် 'Yours faithfully,' ကို မသုံးပါဘူး။ ဒါပေမဲ့ အကယ်၍ သင်က အရမ်း တရားဝင် အီးမေးလ် (သို့မဟုတ် တိုင်ကြားစာ အီးမေးလ်) ရေးနေတယ်ဆိုရင်တော့၊ အောက်ပါအတိုင်း နှုတ်ဆက်နိုင်ပါတယ်- 

Sincerely, 
Diego   

အကယ်၍ သင်သည် အခြားသူ တစ်ဦးထံမှ အီးမေးလ်ကို တုံ့ပြန်ပါက၊ သူတို့၏ မေးလ်တွင် အသုံးပြုသည့် လေသံအတိုင်း ရေးခြင်းသည် အကြံဉာဏ်ကောင်း ဖြစ်သည်။ ဥပမာအားဖြင့်၊ တစ်စုံ တစ်ယောက်က သင့်ထံသို့ ပို့သော သူတို့၏ အီးမေးလ်ကို 'All the best', ဖြင့် အဆုံးသတ်ပါက၊ 'Sincerely'. 
 
ထက် အလားတူ နှုတ်ဆက်ခြင်းကို သုံးရန် အကြံကောင်း ဖြစ်နိုင်သည်။ အလုပ်တွင် အင်္ဂလိပ်လို အီးမေးလ် တစ်စောင် ရေးနေပါက၊ သင်၏ ပထမအမည်ဖြင့် နှုတ်ဆက်ခြင်းသည် သာမာန် ဖြစ်သည်။ အလုပ် အီးမေးလ်များတွင် များသောအားဖြင့် သင်၏ အမည် အပြည့်အစုံနှင့် အကြောင်းအရာ အသေးစိတ် အချက်အလက်များကို အောက်ခြေတွင်၊ ပါရှိသည်။ 

အင်္ဂလိပ်နဲ့ အီးမေးလ်ကို လက်မှတ်မထိုးခင် ဒီစစ်ဆေးမှုကို လုပ်ပါ   

အီးမေးလ်ကို အဆုံးမသတ်ခင်၊ ရပ်တန့်ပြီး သင့်အီးမေးလ်က ဘာအကြောင်း ရေးထားလဲဆိုတာ စစ်ဆေးပါ။ သတင်း အချက်အလက်တွေ ပြောပြနေတာလား။ ဒါမှမဟုတ် သတင်း အချက်အလက်တွေ တောင်းခံတာလား။ ဒါမှမဟုတ် တစ်ယောက်ယောက်ကို ကျေးဇူးတင်တာလား။ အဲဒါက ဘယ်လို နှုတ်ဆက်ရမယ် ဆိုတာ ဆုံးဖြတ်ဖို့ အထောက်အကူ ပြုပါလိမ့်မယ်။ ဤသည်မှာ အကြံပြုချက် အချို့ ဖြစ်ပါသည်-   

သတင်း အချက်အလက် တောင်းခံသော အီးမေးလ်အတွက် 

Formal: I look forward to hearing from you soon, 

Less formal: Looking forward to hearing from you    

သတင်း အချက်အလက် ပေးသော အီးမေးလ်အတွက် 

Formal: If you need any further information, please don't hesitate to get in touch. 

Less formal: Please let me know if you need anything else. 

အကူအညီ တောင်းခံသော အီးမေးလ်အတွက် 

Formal:  Many thanks in advance for your help. 

Less formal:  Thanks again for all your help on this. 

မေးခွန်းကို ဖြေဆိုပေးသော အီးမေးလ်တစ်ခုအတွက် 

Formal: I hope that you will find this information useful. 

Less formal: Hope this helps - let me know if you have more questions. 

ဒီတော့၊ နောက်တစ်ကြိမ် အီးမေးလ် တစ်စောင် ရေးတဲ့အခါ၊ ဘယ်သူ့ကို စာရေးနေတယ်၊ နဲ့ ဘာရည်ရွယ်ချက်နဲ့ အီးမေးလ် ရေးတာလဲ ဆိုတာကို စဉ်းစားကြည့်ပါ။ အဲဒါက သင့်ကို မှန်ကန်တဲ့ နည်းနဲ့ နှုတ်ဆက်တတ်အောင် ကူညီပေးပါလိမ့်မယ်။ အီးမေးလ်ကို တရားဝင် စာတစ်စောင်လို ရေးဖို့ မလိုပါဘူး၊ ဒါပေမဲ့ အီမိုဂျီနဲ့ exclamation marks!!!!! တွေ ဒါမှမဟုတ် တခြား အမှတ်အသားတွေကို အလွန်အကျွံ အသုံးမပြုသင့်ပါဘူး။  ဒီလမ်းညွှန်ချက်တွေကို လိုက်နာမယ်ဆိုရင် သင့်အီးမေးလ်တွေဟာ သင့်တော်တဲ့ လေသံကို အကြိမ်တိုင်း၊ ရရှိသင့်ပါတယ်။