©

Mat Wright

BA  ဘွဲ့အတွက် အဆင်သင့် ဖြစ်မဖြစ် မသေချာ ဖြစ်နေပါသလား။ ပညာရေးနှင့် အသက်မွေးဝမ်းကျောင်း သင်တန်း နှစ်မျိုးလုံး စိတ်ဝင်စားနေသလား။

UK Further Education ကောလိပ်တစ်ခုတွင် စာရင်းသွင်းလိုက်ပါ။ ယူကေ၏ အဆင့်မြင့် ပညာရေးမှပေးသော အဆင့်မြင့်အမျိုးသားဒီပလိုမာ (Higher National Diploma) ကဲ့သို့ အရည်အချင်းတစ်ခုခု ရယူပြီး သင့်တစ်သက်တာ လုပ်ငန်းရည်မှန်းချက်များအားဖြည့်စွက်ပြီး နောင်တစ်ချိန် တက္ကသိုလ်ဘွဲ့တစ်ခုခု ရစေရန် ဆက်တက်နိုင်ပါသည်။

UK Further Education ကိုအမည်သည့်ကြောင့်ရွေးချယ်ရပါမလဲ

ယူကေမှာပညာသင်ပြီး မိမိမှ ရွေးချယ်စရာများကို ဆုတ်သာတက်သာ ရှိစေလိုလျှင် UK Further Education ကောလိပ်မှ သင်တန်းတစ်ခု တက်လျှင်ကောင်းပါမည်။ UK Further Education ကောလိပ်(FE)များကို အစိုးရမှ ထောက်ပံ့ပြီး ပေါင်းကူးသင်တန်း၊ အဆင့်မြင့်ပညာရေး ဒီပလိုမာနှင့် တစ်ခါတစ်ရံ BA/BSc ဘွဲ့များလည်း ပေးပါသည်။ ကျောင်းသူ/သားများ လုပ်ငန်းခွင်သို့ ပြောင်းရွှေ့လုပ်ကိုင်သောအခါ အလုပ်နှင့်ကိုက်ညီသော ကျွမ်းကျင်မှုများအား ကောလိပ်ပညာရေးမှ လေ့ကျင့်ပေးခြင်းဖြင့် အလုပ်ရနိုင်ခြေ မြင့်မားစေပါသည်။ အလုပ်ရှင်များနှင့် နီးနီးစပ်စပ် ပူးပေါင်းပြီး သင်တန်းပုံစံ ချမှတ်ထားသည့်အတွက် ယှဉ်ပြိုင်လျှင် အားသာချက်ရှိပြီး ခေတ်မီစက်မှုလုပ်ငန်းနှင့် အထိအတွေ့ ရှိစေပါသည်။

HND ကဲ့သို့ ယူကေ ကောလိပ်ဒီပလိုမာများသည် အခြားသင်တန်းများထက် စရိတ်သင့်တင့်မျှတပြီး တက္ကသိုလ်မျိုးစုံမှာ BA/BSc ဘွဲ့များ ဆက်တက်နိုင်ရန် လမ်းဖွင့်ပေးထားပါသည်။ HND ရလျှင် ယူကေ တက္ကသိုလ်ဘွဲ့ ဒုတိယနှစ်နှင့် ညီမျှပါသည်။ တစ်ဖန် ယူကေမှ ရှေ့ဆက်ရမည့်ပညာရေး (FE) ကောလိပ်များက တက္ကသိုလ်နှင့်တိုက်ရိုက် ပူးပေါင်းပြီး အဆင့်မြင့်ပညာရေးလက်မှတ်များ ပေးလျက်ရှိပါသည်။

ကောလိပ်ပညာသင်ကြားသော အတွေ့အကြုံသည် တက္ကသိုလ်တွင် သင်ကြားသည်နှင့် မတူပါ။ ကောလိပ်အတန်းများက တက္ကသိုလ်အတန်းများထက် ယေဘုယျအားဖြင့် ပိုသေးပြီး အတန်းအချိန်ဇယား ပိုစိတ်ပါသည်။ အမှီအခိုကင်းသော ပညာသင်ကြားမှုအတွက် ကောလိပ်သင်တန်းသည် အလွန်ကောင်းမွန်သော ပြင်ဆင်နည်းဖြစ်ပြီး တက္ကသိုလ်ဆက်တက်ချင်လျှင်လည်း တက်နိုင်ပါသည်။ ယူကေ တစ်နံတစ်လျား မြို့ကြီးမြို့ငယ် ကျေးလက်ဒေသများမှာ ကောလိပ်များ ရှိပါသည်။

ကောလိပ်တည်နေရာ၊ သင်တန်း၊ ၀င်ခွင့်အရည်အချင်း သတ်မှတ်ချက်၊ စသည်ဖြင့် UK Further Education (FE)အကြောင်း ဆက်လက်သိရှိလိုပါက အောက်ပါလင့်ခ်များကို ၀င်ရောက်ကြည့်ရှုပါရန်။

External links