နိုင်ငံတကာပြတိုက်အကယ်ဒမီ - မြန်မာ

သင်တန်းအရေအတွက် - အလုပ်ရုံဆွေးနွေးပွဲ ၁၆ပွဲ

တက်ရောက်သူများ - ၂၀ဝအထက်

ဖော်ဆောင်သည့်နည်းလမ်းများ - သတင်းအချက်အလက်စီမံခန့်ခွဲရေး၊ ပြတိုက်ပစ္စည်းစီမံခန့်ခွဲရေး၊ ကြိုတင်ကာကွယ်တားဆီးထိန်းသိမ်းရေး

ပါဝင်သည့်ပြတိုက်များ - ၃၃

ပါဝင်သည့်ယူကေအဖွဲ့အစည်းများ - ဘရိုက်တန်တက္ကသိုလ်၊ ဘရိုက်တန်ပြတိုက်နှင့်ပန်းချီပြခန်း၊ လိပ်စက်စတာတက္ကသိုလ်၊ ကာဒစ်(ဖ)တက္ကသိုလ်၊ ပြတိုက်ပစ္စည်းရန်ပုံငွေ

၂၀၁၇ နှင့် ၂၀၁၈ ခုနှစ်များတွင် နိုင်ငံတကာ ပြတိုက်အကယ်ဒမီ၏ မြန်မာနိုင်ငံအစီအစဉ်၌  ပြတိုက်ပစ္စည်း သတင်းအချက်အလက်စီမံခန့်ခွဲရေးသင်တန်းကို ထည့်သွင်းခဲ့ပါသည်။ ဗြိတိသျှ ကောင်စီနှင့် မြန်မာနိုင်ငံပြတိုက်ကျွမ်းကျင်သူများ ပူးပေါင်းပြီး ပြတိုက်ပစ္စည်း ရန်ပုံငွေအဖွဲ့ သင်တန်းဆရာများမှ ပို့ချခဲ့ပါသည်။

ပြတိုက်ပစ္စည်းသတင်းအချက်အလက်စီမံခန့်ခွဲရေးသင်တန်း၏ ရည်ရွယ်ချက်များမှာ-

• သင်တန်းသူ/သားများအား ပြတိုက်ပစ္စည်းသတင်းအချက်အလက်များ ထိန်းသိမ်းခြင်း၊ အသုံးပြုခြင်း၊ ဝေမျှခြင်းပြုရာတွင် အားထားနိုင်သည့် ပြတိုက်သတင်းအချက်အလက် စနစ်တစ်ရပ် ဖော်ဆောင်ပေးစေနိုင်မည့် ဗဟုသုတနှင့် အရင်းအမြစ်များ ပံ့ပိုးပေးရန်
• အမျိုးသားပြတိုက်(ရန်ကုန်)၊ အမျိုးသားပြတိုက်(နေပြည်တော်)၊ မန္တလေးယဉ်ကျေးမှုပြတိုက်၊ ပုဂံရှေးဟောင်းသုတေသနပြတိုက်တို့ကို ဆိုင်ရာဒေသများအတွင်း ပြတိုက်ပစ္စည်း စီမံခန့်ခွဲရေးအတွက် အကောင်းဆုံးလုပ်ငန်းခွင်အလေ့အကျင့်များ ဖော်ဆောင်ပေးနိုင်မည့် စံပြပြတိုက်များအဖြစ် တည်ထောင်ပေးရန်
• ဒေသတွင်းပြတိုက်များတွင် စပက်ထရမ်၏ပင်မလုပ်ထုံးလုပ်နည်းများ (Spectrum Primary Procedures) အကောင်အထည်ဖော်နိုင်စေရန် ပြတိုက်ပစ္စည်းသတင်းအချက်အလက် စီမံခန့်ခွဲရေး ကွန်ရက်တစ်ခုကို သင်တန်းသူ/သားများဖြင့် တည်ထောင်ကာ ဦးဆောင်အကောင်အထည်ဖော်စေခြင်းဖြင့် ကျွမ်းကျင်တတ်မြောက်စေရန်။

သင်တန်းမှရရှိသည့် ပြတိုက်ပစ္စည်းသတင်းအချက်အလက် စီမံခန့်ခွဲရေး နည်းလမ်းများအားဖြင့် ပြတိုက်လုပ်ငန်း ကျွမ်းကျင်သူများအနေဖြင့်  ပြတိုက်ပစ္စည်း မှတ်တမ်းတင်ရေးများစနစ်ကျစွာဆောင်ရွက်နိုင်ရေးကို  ပံ့ပိုးပေးမည့် မူဝါဒများ၊ လုပ်ထုံးလုပ်နည်းနှင့် အစီအမံများ ပေါ်ပေါက်လာစေရန် ရည်သန်ပါသည်။

သင်တန်းမှ ရရှိသည့် ပြတိုက်ပစ္စည်းသတင်းအချက်အလက် စီမံခန့်ခွဲရေး နည်းလမ်းများမှ ပြတိုက်လုပ်ငန်းကျွမ်းကျင်သူများအတွက် ပြတိုက်ပစ္စည်း မှတ်တမ်းတင်ရေး ပံ့ပိုးပေးစေနိုင်မည့် မူဝါဒ၊ လုပ်ထုံးလုပ်နည်းနှင့် အစီအမံများ ဖော်ဆောင်ရန် ရည်သန်ပါသည်။ ပြတိုက်ပစ္စည်းသတင်းအချက်အလက် စီမံခန့်ခွဲရေး toolkit ကို ဒီနေရာတွင် ဒေါင်းလုဒ်ရယူနိုင်ပါသည်။ 

မြန်မာနိုင်ငံပြတိုက်ကဏ္ဍဖွံ့ဖြိုးရေးအတွက် နိုင်ငံတကာ ထိန်းသိမ်းရေး လုပ်ငန်းခွင် အလေ့အကျင့်များနှင့် ထိတွေ့ရန် မဖြစ်မနေ လိုအပ်ပါသည်။ ၂၀၁၈မတ်လနှင့် ၂၀၁၉ ဇန်ဝါရီလများတွင် ပို့ချခဲ့သည့် သင်တန်းအစီအစဉ်နှစ်ရပ်မှ ကြိုတင်ကာကွယ်တားဆီး ထိန်းသိမ်းရေးပင်မ အယူအဆများနှင့်တကွ တံဆိပ်ကပ်ရေး၊ အမှတ်အသားပြုရေး၊ ပြတိုက်ထိန်းသိမ်းရေးစသည့် အရေးပါသည့် လက်တွေ့ပိုင်းကို မိတ်ဆက်ပေးခဲ့ပါသည်။ သင်တန်းတွင် တက်ကြွသည့်သင်ကြားမှု၊ အုပ်စုဖွဲ့ဆွေးနွေးမှု၊ အစီအစဉ်ဆွဲမှု၊ လက်တွေ့ကျွမ်းကျင်ရေး လေ့ကျင့်မှု စသည်ဖြင့် သင်ကြားမှုပုံစံအမျိုးမျိုးနှင့် မြန်မာနိုင်ငံပြတိုက်များလိုအပ်ချက်နှင့်ကိုက်ညီအောင် ပြင်ဆင်ထားပြီး နိုင်ငံတကာစံနှုန်းများ၊ ပဋိညာဉ်များကို စံပြုကိုးကားထားပါသည်။  သင်တန်းတွင်ပြတိုက်ပစ္စည်းများ သိုလှောင်ရေး၊ ပြတိုက်ထိန်းသိမ်းရေး၊ အဖျက်ပိုးများထိန်းသိမ်းရေး၊ အလင်းရောင်စောင့်ကြည့်ထိန်းချုပ်ရေးတို့အတွက် လိုအပ်သည့် ကျွမ်းကျင်မှုများနှင့် ညှိနှိုင်းဖော်ဆောင်ထားပါသည်။

နိုင်ငံတစ်ဝှန်း ပြတိုက်(၂၀)ကျော်ရှိ ထိန်းသိမ်းရေးလုပ်ငန်း လုပ်ကိုင်နေသည့် ကျွမ်းကျင်သူ(၆၀)အား ဤစဉ်ဆက်မပြတ်လုပ်ငန်းခွင်ဖွံ့ဖြိုးရေးသင်တန်း တက်ရောက်ရန် ဖိတ်ခေါ်ခဲ့ပြီး ၄င်းတို့၏ မိခင်ဌာနများတွင် အသိပညာ ဆင့်ပွားဖြန့်ဖြူးပေးစေနိုင်ရေး သင်တန်းပုံစံကို ချမှတ်ပေးထားပါသည်။