ဘာသာစကားလေ့လာခြင်းဟူသည် လေ့လာသူများ ပျော်ရွှင်လျက်ရှိပြီး သင်ခန်းစာများတွင် ပြည့်ပြည့်၀၀ပါဝင် ဆွေးနွေးကြလျှင် အထိရောက်ဆုံးဖြစ်ကြောင်း ကျွန်ုပ်တို့သိရှိပြီးဖြစ်သည်။ ကလေးများသည် သူတို့လေ့လာနေသောကိစ္စများတွင် မိဘများမှ စိတ်ဝင်တစားနှင့် ပူးပေါင်းပါဝင်ပေးပါက အကောင်းဆုံးလေ့လာတတ်ကြောင်းကိုလည်း ကျွန်ုပ်တို့သိရှိပြီးဖြစ်ပါသည်။

ကျွန်ုပ်တို့ သင်ကြားသည့် ပုံစံ

ကျွန်ုပ်တို့သည်

  • သင့်ကလေးအား အခြားအရွယ်တူ ဘာသာစကားလေ့လာမှု အဆင့်တူကလေးများနှင့် အတူတွဲလျက်သင်ကြားပေးမည်ဖြစ်သည်။ 
  • သင်ရိုးစာအုပ်ကို သုံးမည်ဖြစ်သော်လည်း ၎င်းတွင် ပုံပြင်ဇာတ်လမ်း များ၊ ကစားစရာဂိမ်း(စ်)များ၊ သီချင်းများ၊ပြဇာတ်နှင့် တခြားပျော်ရွှင်စရာလှုပ်ရှားမှုများ ပူးတွဲပါဝင်မည်ဖြစ်သည်။
  • မိမိလေ့လာနေသော ဘာသာစကားကို သုံး၍ အခြားကလေးများနှင့် စကားပြောဆိုစေခြင်း၊ အခြားစွမ်းရည်အမျိုးမျိုးတို့ကို လေ့ကျင့်စေခြင်းစသည့် အခွင့် အရေးများစွာကို သင့်ကလေးအား ပေးမည်ဖြစ်သည်။ ဤသို့ပြုခြင်းဖြင့် သင့်ကလေးသည် ယုံကြည်ချက်ကို ပိုမိုတည်ဆောက်နိုင်ကာ အတန်းကျောင်း၏ ရမှတ် အဆင့်များလည်း တိုးတက်လာမည်ဖြစ်သည်။
  • သင်ခန်းစာတစ်ခုစီတွင် ပါသောတစ်ခုနှင့်တစ်ခု မတူညီသည့် အမျိုးမျိုးသော လှုပ်ရှားလုပ်ကိုင်စရာများကိုလည်း အသုံးချစေမည်ဖြစ်သည်။ ဤသို့လေ့ကျင့်ခြင်းဖြင့် သင့်ကလေးသည် သင်ခန်းစာ တလျောက်လုံး နိုးကြားတက်ကြွနေပြီး အာရုံစူးစိုက်မှုရရှိမည်ဖြစ်သည်။ ကလေးတစ်ဦးနှင့်တစ်ဦး  လေ့လာသင်ယူမှုပုံကွာခြားပါသည်။ တချို့သည်မြင်တွေ့ခြင်းမှ တဆင့်၊ အချို့က နားထောင်ခြင်းမှတဆင့် ၊အချို့က လှုပ်ရှားသွားလာခြင်းမှတဆင့် သင်ယူကြပါသည်။ ထို့ကြောင့် ကျွန်ုပ်တို့၏ အမျိုးအစား စုံလင်လှသော သင်ခန်းစာများနှင့် လှုပ်ရှားမှုများသည် ကလေးများအားလုံး ကောင်းစွာလေ့လာတတ်မြောက်ခြင်းကို မလွဲ မသွေဖြစ်စေမည်ဖြစ်သည်။

စစ်ဆေးခြင်းနှင့် တိုးတက်မှုတိုင်းတာခြင်း

ကျွန်ုပ်တို့သည်

  • အမျိုးအစား ၁၆ မျိုးသော လုပ်ဆောင်နိုင်သည့် စွမ်းရည် ဖော်ပြချက်များအပေါ် အခြေခံသည့် စဉ်ဆက်မပြတ် ကိုယ်ပိုင်အရည်အသွေးစစ်ဆေးသတ်မှတ်ခြင်းကို ပြုလုပ်ပေးမည်ဖြစ်သည်။ ဤသို့စစ်ဆေးသတ်မှတ်ရာတွင် အဖတ်၊ အရေး၊ စကားပြောနှင့် နားထောင်စွမ်းရည်များအပြင် ယဉ်ကျေးမှုချင်းနှီးနှောဖလှယ်မှုရှိသော အချက်အလက်များ ပါဝင်မှုအပေါ်အခြေခံသည့် လေ့လာသင်ယူခြင်း စသဖြင့်တို့ကိုပါ စစ်ဆေး၍ သင့်ကလေး၏တိုးတက်မှုကို  ကြည့်ရှုစောင့်ကြပ်ပေးမည်။ ကလေးများကိုလည်း မိမိတို့၏ လေ့လာမှုကို မိမိဘာသာဆန်းစစ်ကြရန် တက်ကြွစွာတိုက်တွန်းပါမည်။
  • သင့်ကလေး လေ့လာပြီးသော ခေါင်းစဉ်များနှင့် ဘာသာစကားတို့၏ အသေးစိတ်အချက်အလက်များ၊ သင်တန်းတွင်သူတို့လေ့ကျင့်ခဲ့သော စွမ်းရည် များအကြောင်းကိုလည်း သင့်ထံသို့ သင်တန်းကာလတစ်ခု ပြီးဆုံးချိန်တွင် အသေးစိတ်တိုးတက်မှုမှတ်တမ်းနှင့် အကြောင်းကြားပေးပါမည်။
  • သင်တန်းတက်ရောက် ပြီးစီးကြောင်း အောင်မြင်မှုမှတ်တမ်းကိုလည်း ကျောင်းစာသင်နှစ်တစ်ခုပြီးတိုင်း သင့်ကလေးအား ထုတ်ပေး မည်ဖြစ်ပါသည်။ 

ကျွန်ုပ်တို့သည် သင့်အား

  • အကယ်၍ ကလေး၏ တိုးတက်မှု အတန်းတွင်း သင်ကြားမှုတွင် ပါဝင်မှုများနှင့် ပတ်သက်၍ မေးမြန်းစရာများ၊ စိတ်ပူပင်စရာများရှိပါက ကလေး၏ ဆရာ၊ ဆရာမများနှင့် တွေ့ဆုံစကားပြောစေလိုပါသည်။
  • မိဘများဆွေးနွေးပွဲများနှင့် ပုံမှန် မိဘများလေ့ကျင့်ပေးသော အလုပ်ရုံဆွေးနွေးပွဲများကို တက်ရောက် စေလိုပါသည်။

ကျွန်ုပ်တို့၏ လူမှုဆက်ဆံရေး စည်းမျဉ်းစည်းကမ်းများ

ကျွန်ုပ်တို့၏ စည်းကမ်းသတ်မှတ်ချက်များ 

  1. ညွှန်ကြားချက်များကိုလိုက်နာပါ။ 
  2. ဆရာ ၊ ဆရာမ များ၊ ၀န်ထမ်းများနှင့် တခြားသင်တန်းသား/သူ တို့၏ ပြောပြချက်များကို နားထောင်ပေးပါ။ 
  3. လူတိုင်းကို စာသင်ခန်းတွင်းလှုပ်ရှားမှုတို့တွင် ၀င်ရောက်လုပ်ကိုင် ပါဝင်ဆင်နွှဲခွင့်ပေးပါ။ 
  4. လူတိုင်းကိုစိတ်ချ လုံခြုံစွာထားပါ။ 

ကျွန်ုပ်တို့သည် 

  • ကလေးများအား ဗြိတိသျှကောင်စီတွင် လူမျိုး၊ ဘာသာမရွေး လူတိုင်းကို ကြိုဆိုကြောင်းနှင့် အလေးထားကြောင်း သင်ကြားပေးပါမည်။
  • ကောင်းမွန်သောစာသင်ခန်းတွင်းပြုမူနေထိုင်ပုံအကြောင်း သင်ကြားပေးပါမည်။
  • သူတို့၏အပြုအမူက အဖျက်သဘောမျိုးဆောင်ပါက သင့်ကလေးအား အဘယ်ကြောင့် သူတို့၏ ပြုမူဆက်ဆံပုံက ပြဿနာဖြစ်နေသည်ကို သူတို့အား ရှင်းပြပေးမည်ဖြစ်သည်။ အကယ်၍ သင့်ကလေး၏ အပြုအမူက တိုးတက်မှုမရှိလာပါက သင့်အား အကြောင်းကြားပေးပါမည်။ အကယ်၍ တိုးတက်မှုမရှိပါက ကလေးကို ကျောင်းသို့ ပို့ပေးခြင်းအား  ရပ်ဆိုင်းပေးရန် တောင်းဆိုနိုင်ပါမည်။
  • အကယ်၍ သင့်ကလေး အနိုင်ကျင့်ခြင်းခံရပါကလည်း သင့်ကိုပြောပြမည် ဖြစ်သည်။
  • သင့်ကလေး၏ အပြုအမူအကြောင်းကိုလည်း သင်နှင့်သာလျှင် ဆွေးနွေးမည်ဖြစ်သည်။ (အခြားမိဘများနှင့်မဆွေးနွေးပါ)။ 

ကျွန်ုပ်တို့သည် သင့်အား

  • ဤစည်းကမ်းချက်များကို သင့်ကလေး လိုက်နာစေရန် ကူညီသောအားဖြင့် ကျွန်ုပ်တို့နှင့်အတူတူ  လက်တွဲစေချင်ပါသည်။ 

ကျွန်ုပ်တို့၏ ကလေးသူငယ်ကာကွယ်စောင့်ရှောက်ရေးပေါ်လစီ

ကျွန်ုပ်တို့သည် 

  • သင့်ကလေးရောက်ပြီးချိန် မှ သင်လာခေါ်ချိန်အထိ သင့်ကလေးအား ကြည့်ရှုထားပေးပါမည်။ 
  • သူတို့ဘာသာအိမ်ပြန်၍ရသည်ဟု (ဥပမာ - ၁၁ နှစ်နှင့်အထက် ကလေးများ) သင်ကပြောထားမှသာ ကျွန်ုပ်တို့က သင့်ကလေးကို အိမ်သို့ တစ်ဦးတည်းပြန်လွှတ်မည်ဖြစ်သည်။
  • သင့်ကလေးကို အိမ်သို့ပြန်လွှတ်ရာ တွင်လည်းလာကြိုမည်ဟု သင်ပြောထားသောသူများနှင့်သာ လွှတ်ပေး မည်ဖြစ်သည်။
  • သင့်ကလေး ထိခိုက်ရှနာမှုတစ်ခုခု ဖြစ်ခဲ့လျှင်လည်း သင့်အားအကြောင်းကြားပါမည်။

ကျွန်ုပ်တို့အနေနှင့် သင့်အား

  • ကလေးကို အချိန်မှန်လာပို့လာကြိုစေချင်သည်။
  • ကလေးက ကျောင်းပျက်မည်ဆိုပါက ကျွန်ုပ်တို့ထံအကြောင်းကြားစေချင်သည်။

See also