ကျောင်းဆင်းလက်ရာပရောဂျက် ဖန်တီးခြင်း သည် ဖက်ရှင်နှင့် အထည်အလိပ်ဒီဇိုင်းကျောင်းများရှိ ကျောင်းသားများအတွက် ၄င်းတို့၏ ပညာသင်ကြားရေးဖြစ်စဉ်တွင် မဖြစ်မနေပြုလုပ်ရသည့် အစိတ်အပိုင်းတစ်ခု ဖြစ်သည်။
မည်သည့်အတွက်ကြောင့် အဆိုပါကျောင်းဆင်းလက်ရာပရောဂျက်သည် ကျောင်းသားများအတွက် အရေးပါသနည်း။
ယခုမော်ဂျူးတွင် ပါဝင်သော လေ့ကျင့်ခန်းများနှင့် သင်ခန်းစာများသည် ကျောင်းသားများအား သင်တန်းကာလအတွင်းသာမကပဲ ၎င်းတို့၏ အသက်မွေးဝမ်းကြောင်းဘဝအတွက်ပါ တီထွင်ဖန်တီးမှုဆိုင်ရာအလေ့အကျင့်များအတွက် လိုအပ်သော ကျွမ်းကျင်မှုများ ရရှိလာစေရန် လေ့ကျင့်ပေးပါသည်။ ဤမော်ဂျူးတွင် ကျောင်းသားများအနေဖြင့် အနာဂတ်တွင် ၎င်းတို့ရည်ရွယ်ထားသော အသက်မွေးဝမ်းကြောင်းနှင့် ၎င်းတို့၏ ကျွမ်းကျင်မှုများကို သုံးသပ်လေ့လာပြီး ၎င်းတို့ စူးစမ်းလေ့လာမည့်နယ်ပယ်ကို ကိုယ်တိုင်သတ်မှတ်ရွေးချယ်ခြင်းဖြင့် မိမိ၏သင်ယူလေ့လာမှုကို စီမံနိုင်မည်ဖြစ်သည်။
ပရောဂျက်ကာလ တစ်လျှောက်လုံးတွင် ကျောင်းသားများကိုယ်တိုင် လွတ်လပ်စွာဖြင့် ဆုံးဖြတ်ချက်များ ချမှတ်စေခြင်းသည် အဓိကကျသောအချက်ဖြစ်ပါသည်။ ဆရာ၊ဆရာမသည် ကျောင်းသားများအား လုပ်ဆောင်ရမည့်အရာများကို သင်ကြားပြသခြင်းပြုလုပ်သည့် နည်းပြဆရာ အနေဖြင့် မဟုတ်ပဲ ကျောင်းသားပြုလုပ်နေသည့်အရာများကို ပံ့ပိုးပေးခြင်း၊ လမ်းညွှန်မှုပေးခြင်း တို့ကို ပြုလုပ်ပေးသည့် ဆရာအနေဖြင့်သာ ပြုမူရမည်ဖြစ်ပါသည်။ ထိုသို့ ဆရာ၊ဆရာမများသည် ကျောင်းသားများ၏ ကျောင်းဆင်းလက်ရာပရောဂျက်များအပေါ်တွင် ပံ့ပိုးလမ်းညွှန်ပေးနိုင်စေရန်အတွက် Scoratic questioning ခေါ် အဆင့်ဆင့် မေးခွန်းထုတ်ခြင်း၊ ဆန်းစစ်ဝေဖန်ခြင်း၊ အကြံပြုချက်များပေးခြင်း အစရှိသော သင်ကြားရေးနည်းလမ်းများကို နားလည်အသုံးချနိုင်ရန်လိုအပ်ပါသည်။
၂၀၁၉ ခုနှစ် ဧပြီလ နှင့် စက်တင်ဘာလတို့တွင် ကျင်းပခဲ့သော ကျောင်းဆင်းလက်ရာပရောဂျက်မော်ဂျူး ရေးဆွဲခြင်း အလုပ်ရုံဆွေးနွေးပွဲ နှစ်ခုတွင် ဆောင်းဒါးရက်ကန်းနှင့် အသက်မွေးသိပ္ပံမှ ဆရာ၊ဆရာမများ အပါအ၀င် အခြားပြည်နယ်နှင့်တိုင်း (၁၃)ခုရှိ ရက်ကန်းနှင့် အသက်မွေးပညာသင်ကျောင်းများမှ ဆရာ၊ဆရာမများအား ကျောင်းသားများ၏ ကျောင်းဆင်းလက်ရာပရောဂျက်များအပေါ်တွင် လမ်းညွှန်ပံ့ပိုးပေးနိုင်ရန် နှင့် ကြီးကြပ်အကြံပြုနိုင်ရန် လိုအပ်သည့် ကျွမ်းကျင်မှုများ ပံ့ပိုးပေးခြင်း နှင့် အမှတ်ပေးအဆင့် သတ်မှတ်သည့် စံနှုန်းသတ်မှတ်ခြင်းများကို လုပ်ဆောင်ခဲ့ပါသည်။
