ဗြိတိသျှကောင်စီသည် စာမေးပွဲဖြေဆိုမည့်သူတိုင်းအပေါ် မျှမျှတတနှင့် ဓမ္မဓိဌာန်ကျကျ ဆက်ဆံနိုင်ရန်နှင့် စာမေးပွဲဖြေဆိုရာတွင် အသင့်တော်ဆုံးအခြေအနေများ ရရှိနိုင်အောင် သေသေချာချာ ဆောင်ရွက်ပေးပါသည်။ စာမေးပွဲဖြေဆိုသူတစ်ဦးကို စာဖြေဌာနသို့ လာရောက်နိုင်ရန်၊ မေးခွန်းများ နားလည်နိုင်ရန် ၎င်းတို့၏စာမေးပွဲကိုဖြေနိုင်ရန် အထူးအခြေအနေနှင့် လိုအပ်ချက်များကို လိုက်လျောညီထွေအောင် စီစဉ်ဆောင်ရွက်ပေးပါသည်။
သင့်အနေဖြင့် စာမေးပွဲဖြေဆိုရန်အထူးအစီအစဉ်များလိုအပ်ပါက စာမေးပွဲတစ်ခုချင်းစီအတွက် အောက်ဖော်ပြပါ ညွှန်ကြားချက်များကို လိုက်နာပါ။ အထူးအစီအစဉ်များ ရရှိနိုင်ရေးသည် စာမေးပွဲစစ်ဆေးရေးဘုတ်အဖွဲ့ပေါ်၌ မူတည်ပါသည်။ တချို့အခြေအနေများတွင် မသန်စွမ်းမှုနှင့် အခက်အခဲတို့ကြောင့် စာမေးပွဲ၏ အပိုင်းတစ်ခုခုမှ ကင်းလွတ်ခွင့်ရကောင်းရနိုင်ပါသည်။ မှတ်ပုံတင်ခြင်းကာလ ကုန်ဆုံးပြီးနောက် အထူးအစီအစဉ်များနှင့် သက်ဆိုင်သော စာရွက်စာတမ်းများကို လက်ခံမည် မဟုတ်ကြောင်းကို သတိပြုသင့်ပါသည်။
အထူးအစီအစဉ်များကို ဆောင်ရွက်ပေးနိုင်သောစာမေးပွဲများ
- IELTS စာမေးပွဲ၏ပြုပြင်မွမ်းမံထားသော ပုံစံကို လိုအပ်ပါက စာမေးပွဲရက်မတိုင်ခင် အနည်းဆုံး (၃) လအလိုတွင် ကျွန်ုပ်တို့နှင့် ဆက်သွယ်ပါ။ မွမ်းမံထားသော စာမေးပွဲပုံစံကို ပြင်ဆင်ရန်အတွက် ဤအသိပေးအကြောင်းကြားသည့် အချိန်ကာလသည် လိုအပ်ပါသည်။ သင်၏ အခြေအနေများသည် အထူးစီမံခန့်ခွဲမှုဆိုင်ရာ အစီအစဉ်လိုအပ်ပါက (ဥပမာ-အချိ်န်ပို) ကျွန်ုပ်တို့ကို အနည်းဆုံး (၆) ပတ် ကြိုတင်၍ ဆက်သွယ်ပါ။ လွန်ခဲ့သော (၂)နှစ်အတွင်းက ထုတ်ပေးထားသော ဆေးလက်မှတ်ကို ဤရုံး၌ မှတ်ပုံတင် လာလုပ်သောအခါ တင်ပြရပါမည်။
- Cambridge English စာမေးပွဲများ သင့်၌ မသန်စွမ်းမှု (သို့) အထူးလိုအပ်ချက်ရှိနေပါက စာမေးပွဲရက်မတိုင်မီ အနည်းဆုံး (၃) လအလိုတွင် ကျွန်ုပ်တို့နှင့် ဆက်သွယ်ပါ။ စာမေးပွဲအတွက် မှတ်ပုံတင်ထားသောအခါ လွန်ခဲ့သော (၂)နှစ်အတွင်းက ထုတ်ပေးထားတဲ့ ဆေးလက်မှတ်ကို တင်ပြရန်လိုအပ်ပါသည်။ Cambridge English paper-based စာမေးပွဲများအတွက်သာ အထူးအစီအစဉ်အတွက် လျှောက်ထားနိုင်ပါသည်။
- IGCSE/ နိုင်ငံတကာ GCSE နှင့် ကျောင်းစာမေးပွဲများ စာမေးပွဲရက်များ တိုက်နေသဖြင့် အချိန်ပို (သို့) စာမေးပွဲအထူးစောင့်ကြပ်မှုကဲ့သို့သော အထူးစီမံခန့်ခွဲမှုများ လိုအပ်ပါက သင်၏ ပထမဆုံးစာမေးပွဲမတိုင်မီ အနည်းဆုံး (၆) ပတ်အလို၌ ကျွန်ုပ်တို့နှင့် ဆက်သွယ်ရန် လိုအပ်ပါသည်။ သင့်အခြေအနေက အထူးစာမေးပွဲပုံစံ ပြင်ဆင်ပေးဖို့လိုအပ်ပါက စာမေးပွဲအတွက် မှတ်ပုံတင်ရာတွင် ကျွန်ုပ်တို့နှင့် အရင်ဆက်သွယ်ရမှာဖြစ်ပါသည်။ သင်၏ အထူးလိုအပ်ချက် တောင်းခံလွှာနှင့်အတူ ထုတ်ပေးထားသော ဆေးလက်မှတ်ကိုပါ ပူးတွဲတင်ရပါမည်။
- အတတ်ပညာဆိုင်ရာနှင့် တက္ကသိုလ်စာမေးပွဲများ အခြေအနေအများစုတွင် အထူးလိုအပ်ချက်တောင်းခံရန် သင်၏စာမေးပွဲဘုတ်အဖွဲ့(သို့) တက္ကသိုလ်နှင့်တိုက်ရိုက် ဆက်သွယ်ရန်လိုအပ်ပါသည်။ အစီအစဉ်များနှင့်ပတ်သက်ပြီး စာမေးပွဲစစ်ဆေးရေးဘုတ်အဖွဲ့ကဗြိတိသျှကောင်စီကို ဆက်သွယ်မှာဖြစ်ပြီး သင့်တောင်းခံချက်ကို အတည်ပြုကြောင်းကိုလည်း သင့်အားအကြောင်းကြားမှာဖြစ်ပါသည်။ ကျွန်ုပ်တို့ထံ၌ စာမေးပွဲအတွက် မှတ်ပုံတင်ထားသူဖြစ်ပါက အထူးလိုအပ်ချက်တောင်းခံလွှာအတွက် ကျွန်ုပ်တို့ကို ဆက်သွယ်ပါ။ မှတ်ပုံတင်သည့်အခါ လွန်ခဲ့သည့် (၂)နှစ်အတွင်းက ထုတ်ထားသော ဆေးမှတ်တမ်းကို တင်ပြရန်လိုအပ်ပါသည်။