သင့်ကလေး အိမ်တွင် အင်္ဂလိပ်စာလေ့လာနိုင်ရန် အကြံပြုချက်များ - ၂

အင်္ဂလိပ်စာကို အိမ်မှာနေရင်း လေ့လာလို့ရတယ်ဆိုတာ သင်သိပါသလား။ 

ဟုတ်ပါတယ်။ သင့်အင်္ဂလ်ိပ်စာက သိပ်အကောင်းကြီး မဟုတ်ရင်တောင် ဖြစ်နိုင်ပါသေးတယ်။ သဒ္ဒါကိုတော့ နောက်ပိုင်းမှ ကျောင်းမှာ သင်ယူပေါ့။ မိဘတွေအနေနဲ့ ပထမဆုံးနဲ့ အရေးကြီးဆုံး လုပ်ပေးရမှာကတော့  မိမိတုိ့ရဲ့ ကလေးကို ဘာသာစကားနဲ့ ထိတွေ့မှုများများရှိအောင် လုပ်ပေးပြီး သူတို့ကို စိတ်အားထက်သန်မှု ဖြစ်ပေါ်လာအောင် လုပ်ဖို့ ဖြစ်ပါတယ်။ 

ဒီအကြံပြုချက်တွေကတော့ သင့်ကလေးကို အင်္ဂလိပ်စကား ချက်ချင်းလက်ငင်းကြီး ပြောတတ်အောင် မလုပ်ပေးနိုင်ပါဘူး။ စိတ်ရှည်ရှည်ထားပေးလိုက်ပါ။ သူတို့အချိန်ကျလာရင် တဖြည်းဖြည်း ပြောတတ်လာမှာ ဖြစ်ပါတယ်။

၃။ သဒ္ဒါကို နောက်ပိုင်းမှာ သင်ပေးပါ။

ကိုယ့်ကလေးတွေကို သဒ္ဒါစည်းမျဉ်းစည်းကမ်းတွေ အတိအကျလိုက်သင်ပေးနေစရာ မလိုပါဘူး။ ပျော်စရာလှုပ်ရှားမှုတွေကို အတူတူလုပ်ရင်း သင့်ကလေးက မကြာခဏပြောစကားတွေကို ကြားရင်း၊ သဒ္ဒါတည်ဆောက်ပုံတွေကိုပါ မသိမသာတတ်သွားမှာ ဖြစ်ပါတယ်။ ဒီလိုနဲ့ အဲ့ဒါက သင့်ကလေး ကြီးပြင်းလာတဲ့အခါ အင်္ဂလိပ်စကားကို သဘာဝကျကျနဲ့ မှန်မှန်ကန်ကန်သုံးတတ်ဖို့ ကူညီပါလိမ့်မယ်။

၎။ နေ့စဉ်သုံးစကားပြော အခြေအနေတွေကို အသုံးပြုပါ။

အင်္ဂလိပ်စာကို အိမ်မှာဘဲ သင်ပေးရတာရဲ့ အကောင်းဆုံးအကြောင်းပြချက်ကတော့ နေ့စဉ်အိမ်မှာ ပြောဆိုသုံးနှုန်းတဲ့ စကားပြောအခြေအနေတွေကို အသုံးပြုနိုင်ပြီး အိမ်တွင်းရှိ တစ်ကယ့်အရာဝတ္ထုများကို အသုံးချကာ ဘာသာစကားကို သဘာဝကျကျနဲ့ တစ်ကယ့်လက်တွေ့ဆန်တဲ့ အခြေအနေမှာ အသုံးချနိုင်မှာ ဖြစ်ပါတယ်။ ကလေးတွေကို အဝတ်အစား လဲပေးရင်း၊ ဝတ်ပေးရင်းနဲ့ (ဒါမှမဟုတ်အဝတ်လျှော်ဖို့ ပြင်ဆင်ရင်း) လုပ်လို့ရပါတယ်။ (ဥပမာ - “Let’s put on your blue socks.” အပြာရောင်ခြေအိပ်လေး ဝတ်လိုက်ရအောင်၊ “It’ Dad’s T-shirt.” ဒါဖေဖေ့တီရှပ် စသည်ဖြင့်ပေါ့။) ကလေးတွေရဲ့ အိပ်ခန်းကို သန့်ရှင်းရေးလုပ်ရင်းနဲ့လည်း ကလေးတွေအတွက် အရုပ်တွေ၊ ပရိဘောဂတွေနဲ့ ဆိုင်တဲ့စကားလုံးတွေကို လေ့ကျင့်ပေးနိုင်ပါတယ်။ (ဥပမာ- “Let’s put your teddy bear on the bed.” သား/သမီးရဲ့ ဝက်ဝံရုပ်လေးကို အိပ်ယာမှာတင်ထားရအောင်။ “Can you see your blue car? ကားအပြာလေးကို တွေ့လား။) စူပါးမားကက်ကိုသွားတဲ့အခါမျိုးမှာလည်း ဈေးဝယ်စာရင်းထဲက ပစ္စည်းအမည်တွေကို ကလေးကိုဖတ်ပြီး လိုက်ရှာခိုင်းတာမျိုး လုပ်ခိုင်းလို့ရပါတယ်။

မိဘတစ်ဦးအနေနဲ့ သင့်ကလေးကို အားပေးမှုတွေ၊ ချီးမွမ်းမှုတွေ အမြောက်အများလုပ်ပေးရမယ့် တာဝန်ရှိပါတယ်။ လုပ်သမျှသင်ခန်းစာ၊ လှုပ်ရှားမှုတိုင်းကိုလည်း စိတ်ဝင်စားဖွယ်၊ ပျော်ရွှင်ဖွယ်ဖြစ်အောင် လုပ်ပေးဖို့ မမေ့ပါနဲ့။ ဘာကြောင့်လဲဆိုတော့ သင့်ဆီက ဘာသာစကားအတွက် အားတက်သရော စိတ်ပါဝင်စားမှုကို သင့်ကလေးက အတုယူပြီး အတတ်သင်မှာမို့လို့ ဖြစ်ပါတယ်။

External links