ဓာတ်ပုံ - ၂၀၁၃ ဖေဖော်ဝါရီလ ၁-၃ ရက်အတွင်း ရန်ကုန်မြို့တွင် ကျင်းပခဲ့သော ဧရာဝတီ စာပေပွဲတော်၌ "Create a Portrait of Your Myanmar" အမည်ရှိ ပုံပြင်နှင့် ဓာတ်ပုံပြပွဲတွင် လာရောက်လေ့လာသူများကို တွေ့ရစဉ်။ Photo by Kyi Kyi Pyone © British Council

၂၀၁၀ ခုနှစ် အစပိုင်းတွင် မြန်မာနိုင်ငံဓာတ်ပုံဆရာများအသင်း (MPS) နှင့်အဆက်အသွယ် ပြန်လည်ရရှိလာရာမှ ပြည်တွင်းရုပ်ပုံအနုပညာမြင်ကွင်းရှိ ဗြိတိသျှကောင်စီ၏ ကဏ္ဍသည် ပိုမို၍နိုးကြားတက်ကြွလာပါသည်။ 

ဓာတ်ပုံဝါသနာအိုးများပါဝင်သော MPS ကို ဗြိတိသျှကောင်စီတွင် ၁၉၅၀ ခုနှစ်က စတင်တည်ထောင်ခဲ့ပါသည်။ ယခုအခါတွင် ၎င်းသည်နိုင်ငံအနှံ့မှ ပြည်တွင်းဓာတ်ပုံဆရာပေါင်း အယောက် တစ်ထောင်ခန့် ပါဝင်သော တက်ကြွပြီး အားမာန်အပြည့်ရှိသော အဖွဲ့အစည်းတစ်ခုဖြစ်ပါသည်။ ထိုအဖွဲ့အစည်းတွင် နိုင်ငံတကာဆုရဓာတ်ပုံပညာရှင်များနှင့် ပြည်တွင်း ရုပ်ရှင် လုပ်ငန်းနှင့် ဖန်တီးမှုအနုပညာအဖွဲ့အစည်းမှ ကျွမ်းကျင်ပညာရှင်များပါဝင်ပါသည်။

MPS နှင့် အဆက်အသွယ်ပြန်လည်ရရှိခဲ့သည့်အတွက် ကျွန်ုပ်တို့သည် ၎င်း၏နှစ်စဉ်နှစ်တိုင်းကျင်းပ သော ဓာတ်ပုံပြိုင်ပွဲများနှင့် ပြပွဲများကိုပိုမိုအားပေး ထောက်ပံ့နိုင်ခဲ့ပါသည်။ ၂၀၁၂နှစ်တွင် MPS နှင့်ပူးပေါင်း၍ မြန်မာ့ပွဲတော်များ၏ ပုံရိပ်များ (Images of Myanmar Festivals) ဓာတ်ပုံပြိုင်ပွဲကို ဇူလိုင်လမှ အောက်တိုဘာ လ အထိလည်းကောင်း၊ ပြပွဲကို နိုဝင်ဘာလ၌ ၎င်းကျင်းပနိုင်ခဲ့ပါသည်။ 

စုစုပေါင်း (၁၅၄) ဦးသော ဓာတ်ပုံဆရာများက ဓာတ်ပုံ (၇၀၀) ကျော်ဖြင့် ၀င်ရောက်ယှဉ်ပြိုင်ခဲ့ပါသည်။ ၎င်းဓာတ်ပုံများက မျိုးစုံသောယဉ်ကျေးမှု၊ ဘာသာရေးနှင့် တိုင်းရင်းသားပွဲတော်များမှတဆင့် မြန်မာနိုင်ငံ၏ ရိုးရာနှင့် ဓလေ့ထုံးစံများ ကိုသရုပ်ဖော်ပြသခဲ့ပါသည်။ Cannon မှ အကောင်းဆုံးဆုရရှိသူ (၃)ဦးတို့အတွက် EOS 60D၊ EOS 550D နှင့် EOS 1100D အစရှိသော ကင်မရာများအပါအ၀င်ဆု(၁၃)ဆုကို စပွန်စာပေးခဲ့ ပါသည်။

ဆန်းသစ်ပြောင်းလဲခြင်း၏ အောင်မြင်မှုနောက်မှာတော့ ကျွန်ုပ်တို့က ဓာတ်ပုံပြိုင်ပွဲများနှင့် ပြပွဲများကို MPS နှင့် ပူးပေါင်း၍ နှစ်စဉ်နှစ်တိုင်းကျင်းပခဲ့ပါသည်။ ထိုသို့ပြုလုပ်ခြင်းဖြင့် လျင်မြန်စွာကြီးထွားလာသော ပြည်တွင်းဓာတ်ပုံ ဆရာများအဖွဲ့အစည်း၏ ကျွမ်းကျင်မှုတိုးတက်ရေးကို အားပေးသည့်အပြင် UK ရှိဓာတ်ပုံပညာရှင်များနှင့် ကွန်ယက် ဖြန့်ချီနိုင်မည့်အခွင့်အလမ်းများကိုပါ ရရှိစေနိုင်ပါသည်။

External links