သင့်ရလဒ်ကို အွန်လိုင်းမှစစ်ဆေးရန် အလွယ်တကူ Cambridge English Candidate Website တွင် ဝင်ရောက်ကြည့်ရှုနိုင်ပါသည်။
ရလဒ် အများစုကို ရေးဖြေစာမေးပွဲဖြေဆိုပြီး (၄) ပတ်အတွင်း ထုတ်ပြန်ပေးပါသည်။ ကျန်ရှိသောရလဒ်များကို နောက်ထပ်(၂)ပတ် အတွင်း ထုတ်ပြန်ပေးပါသည်။
တစ်ဦးချင်းစာဖြေသူများ
စာဖြေသူများသည် Cambridge English Language Assessment Online Results Service မှတဆင့် ၄င်းတို့၏ ရလာဒ်များကို တိုက်ရိုက်ရယူနိုင်ပါသည်။ စာဖြေသူတစ်ဦးစီ၏ အချိန်ဇယားတွင် Login ဆိုင်ရာ အသေးစိတ်အချက်အလက်များ (Result Information Box အောက်တွင်) ပါဝင်ထားပြီး ဖြစ်ပါသည်။ ထို့ပြင် ရလာဒ်များထုတ်ပြန်သည့် ကာလ စတင်ပြီးဖြစ်ကြောင်းကို အသိပေးအကြောင်းကြားသော အီးမေးလ်ကိုလည်း ရရှိမှာ ဖြစ်ပါသည်။ စာဖြေသူများသည် မိမိတို့၏ရလာဒ်ကို ရရှိသည်အထိ ၄င်းတို့၏ အချိန်ဇယားများကို သိမ်းထားရမည်ဖြစ်ကြောင်းကို မမေ့လျော့ရန် လိုပါသည်။
လက်မှတ်များ
စာမေးပွဲအောင်မြင်ခဲ့သော အောင်လက်မှတ်ကို ရလာဒ်များထုတ်ပြန်ပြီးနောက် (၁) လခန့်အကြာတွင်ဗြိတိသျှကောင်စီ၌ ထုတ်ယူနိုင်ပါသည်။ ကျောင်းမှ စာရင်းသွင်းသူဖြစ်ပါက သင့်အတွက် ကျောင်းမှတဆင့် ထုတ်ယူပေးမှာ ဖြစ်ပါသည်။ ကိုယ်တိုင်စာရင်းသွင်းသူဖြစ်ပါက ဗြိတိသျှကောင်စီမှာ လာရောက်ထုတ်ယူနိုင်ပါသည်။
Cambridge English Qualifications Digital (Computer-Based Test) အတွက် အောင်လက်မှတ်များကို စာမေးပွဲဖြေဆိုပြီး (၆) ပတ်အတွင်း ထုတ်ပေးပါသည်။ ဗြိတိသျှကောင်စီရုံးတွင် အောင်လက်မှတ်လာထုတ်နိုင်မည့်ရက် အား အီးမေးလ်ဖြင့် ပေးပို့အသိပေးပါသည်။
မှတ်ချက် – သက်ဆိုင်ရာ အသိသက်သေအထောက်အထား မပြနိုင်ပါက အောင်လက်မှတ် မထုတ်ပေးပါ။
ရလဒ်စစ်ဆေးခြင်းဝန်ဆောင်မှု (Result Verification Service)
တက္ကသိုလ် များ၊ လူဝင်မှုကြီးကြပ်ရေးအဖွဲ့များနှင့် အခြားအဖွဲ့အစည်းများအနေဖြင့် သင်၏ရလဒ်မှန်ကန်မှုကို စစ်ဆေးရန် Result Verification Service ကိုအသုံးပြုနိုင်ပါသည်။ သင် ကြိုက်နှစ်သက်ရာ အဖွဲ့အစည်းများအား Cambridge English Online Service Website တွင်ရွေးချယ်ကာ သင့် ID Number နှင့် Password ကိုပေးခြင်းအားဖြင့် သင့် ဓာတ်ပုံကို ကြည့်ရှုခွင့်ပေးနိုင်ပါသည်။
ကလေးများအတွက် စာမေးပွဲများ
Cambridge English Language Assessment က အကြား၊ အဖတ်၊ အရေးနှင့် အပြောအစရှိသော စစ်ဆေးမှု၏ အပိုင်းတစ်ခုစီ၌ ရရှိခဲ့သော သင့်စွမ်းဆောင်ချက်ကို ဖော်ပြထားသည့် ထောက်ခံချက်ကို ပေးမှာ ဖြစ်ပါသည်။ စစ်ဆေးမှုအပိုင်းတစ်ခုစီအတွက် Cambridge ဒိုင်းပုံအမှတ်အသားအများဆုံး (၅) ခု ရရှိနိုင်ပါသည်။ ထို့ကြောင့် စစ်ဆေးမှုတစ်ခုလုံးအတွက် ဒိုင်း (၁၅) ခု ရရှိနိုင်ပါသည်။ Young Learners ရလာဒ်များကို စာမေးပွဲအပြီး နောက် (၈) ပတ်ခန့်တွင် ထုတ်ပြန်ပေးပါသည်။ စာမေးပွဲပြီးဆုံးအောင်ဖြေဆိုသူတိုင်းကို ထောက်ခံချက်ပေးပါသည်။ ၄င်းထောက်ခံချက်တွင် သင့်အနေဖြင့် မည်သည်ကိုတော့ဖြင့် လုပ်နိုင်ခဲ့သည်၊ မည်သည်ကိုတော့ဖြင့် မလုပ်နိုင်ခဲ့ပါဟု ဖော်ပြထားပါသည်။ စာမေးပွဲဝင်ရောက် ဖြေဆိုခဲ့သည့်အတွက် ဂုဏ်ပြုခြင်းဖြစ်ပါသည်။