သင်တစ်သက်တာဂိမ်းဆော့သောအလုပ်ဒီနေရာက စတင်ပါပြီ

တစ်သက်တာ ဂိမ်းဆော့သော စိတ်လှုပ်ရှားဖွယ် အလုပ်လုပ်ရန် မျှော်မှန်းနေပါသလား။ ဒါဆိုလျှင် သင့်ခရီးစတင်ရန် အားတက်ဖွယ် တစ်နေရာကို ယူကေမှ ပေးနိုင်ပါသည်။

ဂိမ်းဆော့ခြင်းနှင့် ဆက်နွယ်သော ဘွဲ့ကြိုသင်တန်း (၂၁၅)  ခု၊ ဘွဲ့လွန်သင်တန်း(၄၀)ခုတို့ကို သင်ရွေးချယ်နိုင်ရန် ယူကေတက္ကသိုလ်များမှ ပို့ချပေးနေပါသည်။ ဆန်းသစ်တီထွင်ထားသော သင်ကြားနည်း၊ ကမ္ဘာ့အတော်ဆုံး ဂိမ်းဆရာများ၏ လမ်းညွှန်မှုတို့ဖြင့် ထူးကဲကောင်းမွန်သော ခေတ်မီ အထောက်အကူခန်းများမှ သင့်ကျွမ်းကျင်မှုကို ဖွံ့ဖြိုးတိုးတက်စေနိုင်ပါသည်။  နောက်တစ်ချီ ၀က်ဝက်ကွဲအောင်မြင်မည့် ဂိမ်းတစ်ခုကို ဒီဇိုင်းစတင်ထုတ်ရန် သင်လိုသမျှအားလုံး ရှိပါသည်။

ဂိမ်းလုပ်ငန်းသည် ကမ္ဘာမှာ ပေါင်စတာလင် ၇၅-ဘီလီယံ တန်ဖိုးရှိပြီး မြန်မြန်ဆန်ဆန်ကြီးထွားလျှက် ကမ္ဘာတစ်ဝှမ်းမှ ရည်ရွယ်ချက်ကြီးမားသော ဘွဲ့ရပြီးစ မောင်မယ်များအတွက် အခွင့်အလမ်းများ ပေးလျှက်ရှိပါသည်။ ဆန်းသစ်သော ကွန်ပျူတာ virtual reality သင်တန်းအတွေ့အကြုံ၊ ရုပ်ရှင်သဏ္ဍာန်ပုံရိပ်များအားအချောသတ်ခြင်း၊ စွဲလမ်းဖွယ် မိုဘိုင်းအပလီကေးရှင်းများအားပြုပြင်ခြင်း စသည်ဖြင့် သင်လုပ်ဆောင်နိုင်မည်ဖြစ်ပါသည်။ ဘောင်ခတ်ထားသည့် အရာများရှိခဲ့လျှင် သင့်အတွေးများကြောင့်သာ ဖြစ်ပါလိမ့်မည်။

သင်ဘာကိုလေ့လာရပါမလဲ

ဂိမ်းဆော့သူများအတွက် နည်းပညာသစ်ချဲ့ထွင်လာသည်နှင့်အမျှ  တက်ရောက်စရာ သင်တန်းများနှင့် သင်ပေးသော ကျွမ်းကျင်မှုများလည်း ကျယ်ပြောလာပါသည်။ ဂိမ်းဆော့သောပမာဏကလည်း မိုဘိုင်းဖုန်းကနေ PC ကွန်ပျူတာ၊ ဂိမ်းခလုတ်ခုံကနေပြီး virtual reality နှင့် augmented reality တိုင်ကျယ်ပြန့်သည်ထက် ကျယ်ပြန့်လာပြီး ယူကေက ဂိမ်းသင်တန်းများမှ လိုအပ်သောကျွမ်းကျင်မှုအားလုံး ပံ့ပိုးပေးပါသည်။

တက်သောတက္ကသိုလ်ပေါ် မူတည်ပြီး သင်တန်းများမှ ဂိမ်းကဏ္ဍမျိုးစုံကို နည်းလမ်းအဖုံဖုံနှင့် ငုံမိစေရန် သင်ကြားပေးပါမည်။

ဂိမ်းဒီဇိုင်း

ဂိမ်းဒီဇိုင်းသင်တန်းမှာ ယေဘုယျအားဖြင့် ဂိမ်းအကြောင်း စုံစုံလင်လင် နားလည်စေ၊ ကျွမ်းကျင်စေပြီး ဂိမ်းသီအိုရီမှ စတင်သင်ကြားကာ နောက်ပိုင်းမှာလက်တွေ့လုပ်ရပါသည်။ အချို့သင်တန်းများမှာ ခေတ်မီ ဂိမ်းဓါတ်ခွဲခန်း(Lab)များထားရှိပြီး ရွေ့လျားမှုကိုဖမ်းယူခြင်း (motion capture) နည်းပညာကို စမ်းလုပ်ကြည့်နိုင်ပါသည်။

ပရိုဂရမ်ဆွဲခြင်း

အချို့သင်တန်းများမှာ အစတည်းက ဖွံ့ဖြိုးရေးနှင့် ပရိုဂရမ်ဆွဲခြင်းကို ဦးစားပေးပါသည်။ ဂိမ်းပညာ၏ ကုဒ်အပိုင်း (coding)ကို အထူးပြုလိုသော ကျောင်းသူ/သားများအတွက် ရည်ရွယ်ပါသည်။

ဈေးကွက်တင်ခြင်း

သင်တန်းအများစုမှာ ဂိမ်းများအားမည်သည့်လိုဈေးကွက်ပေါ်တင်ကြောင်း သင်နားလည်စေရန် ဈေးကွက်အကြောင်း ထည့်သွင်းထားသလို သင့်ကိုယ်ပိုင်စတူဒီယိုထောင်ရန်လိုအပ်သော စီးပွားရေးကျွမ်းကျင်မှုကို ကျယ်ကျယ်ပြန့်ပြန့် လေ့လာနိုင်မည့် အခွင့်အလမ်းများလည်း ရှိပါသည်။

အီလက်ထရွန်းနစ်ကစားနည်း (Esports)

အချို့တက္ကသိုလ်များမှာ ဂိမ်းလုပ်ငန်း မြန်မြန်ဆန်ဆန် ကြီးထွားနေပြီး မက်မောဖွယ်ဖြစ်သော esports ကဲ့သို့ ဂိမ်း၏အဓိက အစိတ်အပိုင်းတစ်ခုကို တိတိကျကျသင်ပေးသော ဘာသာရပ်များ ရှိပါသည်။

သင်တန်းအမြောက်အများအကြား ကျွမ်းကျင်မှုများ မျှမျှတတ ပေါင်းစပ်သင်ကြားပေးနိုင်သော သင်တန်းကို ရှာဖွေရန်မှာ သင့်သဘောဖြစ်ပါသည်။ သင်တန်းအတော်များများမှာ ဘာသာတစ်ခု အထူးမပြုမီ သင်ကြားရင်း စိတ်ဝင်စားသော ဘာသာရပ်ပိုင်းကို ရွေးချယ်ခွင့်ပေးပါသည်။

ယူကေကသင်တန်းအချို့မှ ဘွဲ့ရများကို ၂၁-ရာစုကျွမ်းကျင်မှု စုံစုံလင်လင် တတ်မြောက်အောင်မြင်စေရန် ကူညီပေးသော ယူကေ၏ထိပ်တန်းဂိမ်းကျွမ်းကျင်သူအဖွဲ့ဖြစ်သော TIGA မှ အရည်အချင်း သတ်မှတ်ပေးပါသည်။ ဂိမ်းကုမ္ပဏီများကလည်း ၄င်းတိုိ့၏ ဂိမ်းဒီဇိုင်းစတူဒီယိုအတွက် ဘက်စုံကျွမ်းကျင်သူ မျိုးဆက်သစ်များအားရှာဖွေရန် ဖွင့်ထားသောသင်တန်းများ၊ ကျင်းပသောပွဲများထံ အစဉ်တစိုက် သွားကြပါသည်။

ယူကေဂိမ်းလောကအခင်းအကျင်း

ယူကေ၏ ကွန်ပျူတာဂိမ်းလုပ်ငန်းသည် ကမ္ဘာမှ ဆဋ္ဌမမြောက်နှင့် ဥရောပမှာ ဒုတိယမြောက်အကြီးဆုံးဖြစ်ပြီး ပေါင်စတာလင် ၄.၃၃ ဘီလီယံ တန်ဖိုးရှိပါသည်။  ယူကေတွင်ဖန်တီးခဲ့သော လက်ရာမြောက် အရောင်းအကောင်းဆုံး ဂိမ်းများထဲ Lemmings၊ Tomb Raiderပါဝင်ပြီး အအောင်မြင်ဆုံးမှာ Grand Theft Auto V ဖြစ်ပါသည်။

ယခုအခါ ယူကေတွင် ဂိမ်းကုမ္ပဏီ (၂၀၀၀)ကျော်ရှိပြီး format အားလုံး ဆော့နိုင်သောဂိမ်းများ တိုးချဲ့ဖန်တီးနိုင်ရန် ကမ္ဘာ့အဆင့် ကျွမ်းကျင်သူများကို ခန့်ထားပါသည်။  ထုတ်လိုက်သော ဂိမ်းများအားကမ္ဘာတစ်ဝှန်းက လူအများ ဆော့ရန် အဆင်သင့်ဖြစ်နေသလို ယူကေမှာလည်း ဂိမ်းဆော့သူ ၃၂.၄-သန်းရှိပြီး ဆော့သူများ မရှားပါးပါ။ ထို့ကြောင့်ယူကေတွင် ဂိမ်းပွဲတော်မျိုးစုံ ကျင်းပပေးခဲ့ပါသည်။  ခမ်းနားသော ပြပွဲ၊ sci-fi (စိတ်ကူးယဉ်သိပ္ပံ)ပွဲတော်၊ ဂိမ်းထုတ်သူများ၏ အသေးစိတ်ဟောပြောချက်၊ ဂန္ထ၀င်ဂိမ်းမာရသွန်ဆော့ပွဲ၊ esports မာရသွန်ဆော့ပွဲ၊ အလုပ်ရုံဆွေးနွေးပွဲ၊ Wi-Fi wars ကဲ့သို့သော ဆန်းကြယ်သော ဟာသနှင့်ဂိမ်းပေါင်းစပ်မှု စသည်ဖြင့် စုံစုံလင်လင် ရှိပါသည်။ ပွဲအတော်များများကို တက္ကသိုလ်ဌာနများမှလုပ်ခြင်း၊ ထိုဌာနများနှင့် ပူးပေါင်းဖွင့်ခြင်းဖြစ်ပြီး ယူကေအတွင်း မည်သည့်နေရာရောက်ရောက် စိတ်တူကိုယ်တူ ဂိမ်းသမားတွေ့ဆုံပွဲနှင့် မည်သည့်အခါမှ မဝေးပါ။

ထို့ကြောင့် ဂိမ်းယဉ်ကျေးမှုထဲမှာ လွှမ်းခြုံရစ်သိုင်းပြီး အတော်ဆုံးဆရာများထံ လေ့လာချင်သော မည်သည့်ကျောင်းသူ/သားအတွက်မဆို ယူကေက အကောင်းဆုံးဝန်းကျင်တစ်ရပ်ဖြစ်ပါသည်။